Kia Sportage, 2.0 L, 2016 il, 182 000 km

Avtomobil 2023-cü ilin oktyabrında Koreyadan şəxsi sifarişimlə gəlib. Bütün profilaktik işləri görülüb. İki ildir ki idarə edirəm. Bu müddət ərzində heç bir problemlə qarşılaşmamışam. Avto vuruqsuz və rəngsizdir - alan zaman boya qalınlığını ölçən cihazla yoxlamışam.

Ailəmizdə əlavə olaraq Bakıda rəsmi dilerdən alınmış Kia Sorento 2.2 CRDİ 4x4 (2015 istehsal, 2016 yanvar alış) da var, artıq 10 ildir ki istifadə edirik (220000 km) və heç bir problemlə üzləşməmişik. Ümumiyyətlə, bu maşınlar və xüsusilə də bu mühərriklər Kia/Hyundai konserninin ən uğurlu mühərrikləri sayılır.

Kia Sportage 2.0 CRDİ mühərriki ilə təchiz olunub (1.7 deyil) və sadə 6 pilləli avtomat qutusudur (robot deyil). Düzünü desəm, bu maşının mənim üçün yeganə problemi ondan ibarətdir ki, Kia Sorento da varımdır və bu maşın çox sürülmür - Bakıya gətiriləndə ORİGİNAL YÜRÜŞ 163 000 km idi, hal-hazırda isə 182 000 km-dir. İşimlə əlaqədar tez-tez xarici səfərlərdə oluram deyə qapalı qarajda bəzən bir neçə ay sürülmədən qalır (şəkillərdə görmək olar).

Maşın çox çevikdir, dizel sərfiyyatı düşünürəm ki əladır - şəhər içi tıxacları da nəzərə alsaq 8-8.5 L (bəzən 9-a qədər də qalxa bilər amma mənim sürüş tərzimlə mən bu rəqəmi heç görmürəm), trasda orta hesabla 6-6.5 L olur, amma uzun məsafələrdə bu rəqəm 5-5.5 L qədər enir. Mən əsasən Neftçilər-Türkan (bağ) marşrutu ilə sürmüşəm deyə məndə bu göstərici adətən 6-6.5 L arasında dəyişir.

Onu da qeyd edim ki, avtomobil 4x4-dür (4WD) - Bakıda bu gövdədə heç qarşıma çıxmayıb.

Əlavə funksiyalar:
- Baqaj qapısının düymə ilə elektron açılması
- Ön və arxa oturacaqların isidilməsi, ön oturacaqların ventilyasiyası
- Sükanın isidilməsi
- Telefon üçün simsiz şarj paneli
- Sükan altında sürət qutusunun keçiriciləri
- Zavodda quraşdırılmış Apple CarPlay və AndroidAuto

Yekun olaraq onu deyə bilərəm ki, bu maşın çox sadə, dözümlü və istifadədə heç bir başağrısı verməyən bir maşındır. Texnoloji, özüidarəolunan, adamla danışan, içində kompyuter olan avtomobil deyil - onun üçün Çin avtomobili almağı tövsiyə edirəm - qiymətləri elə bu maşınla demək olar ki eynidir, hətta daha da aşağıdır.

Marağı olan şəxslər buyurub zəng edə bilərlər, əlavə nə məlumat lazım olsa sevə-sevə bölüşə bilərəm. Qiymətdə də razılaşarıq.

ALLAH xeyrimizi versin.

Hörmətlə,
Anar